بينى وبينى كلام كثير يملاء قلبى.
بينى وبينى غلبان وثورة أفكار لاتهدأ.
بينى وبينى أحب الحب لكن أخاف منه.
بينتى وبينى أحب بلدى فوق الوصف.
بينى وبينى عندما أسمع نشرة الاخبار أشعر بالغباء والظلم والضعف والخنوع والجبروت واليأس .كل فى لحظة واحده.
بينى وبينى الكسل يكبل كل شىء فى حياتى.
بينى وبينى طموحى ينطفىء يوم بعد يوم.
بينى وبينى جلد الذات فى أقصى حالاته.
بينى وبينى أذوب فى لحظة حب بين البطل والبطلة فى فيلم رومانسى.
بينى وبينى أذوب عندما أسمع غناء من القلب فهو يعرف طريقه دائما.
بينى وبينى أعرف أن الرجال بالفطرة ظالمين.
بينى وبينى أتمنى أن أعود طفلة صغيرة لم تتجاوز عامها الاول.لاتفكر ولايشغل بالها شىء سوى -الرضاعة-.
بينى وبينى أتمنى أن أواظب على الكتابة .لانى بطبعى ملولة ومهملة.ولقد ورد عن السالفين أن الطبع يغلب التطبع.
6 comments:
بينى وبينك فيه حاجة اسمها أمل
فكري فيه واستنى يتحقق بكره
لو ماجاش بكره أكيد جاي بعده
الامل حيكسر خوفك
ويقوى قلبك
وينور طريقك
وادعى دايما وقولى ( يارب )
ميرسى يابردية على ردك
الامل أكيد حاجه كلنا محتجنها.وبكرة طبعا ممكن يبقى أحسن .ويارب
بينى وبينك انا عجبنى كلامك بس ليا تعليقين صغيرين ...الاول: ان برغم كل التشاؤم اللى شايفه فى كلامك الا انى عارف انه معظمه صح ميه فى الميه
هتقوليلى ليه معظمه هقولك ده التعليق التانى :
لانك بتقولى
بينى وبينى أعرف أن الرجال بالفطرة ظالمين.
منين عرفتى الحكايه دى يبقى انتى بتحكمى كده على والدك واخواتك واعمامك واخوالك انهم ظالمين
عموما بجد انا احترمت تفكيرك جدا ويايرت تكملى كتاباتك
وخلى عندك امل فى بكره زى برديه ما بتقول
ميرسى يالآء عبى ردك
بس بالنسبة للموضوع بتاع الرجالة مظلومين دى للاسف أنا شايفة كده.اصل بصى .لو انتى بصيتى للموضوع كده بنظرة مبعدية بحتة هتلاقى انهم عشان ذكور ده بيديهم أمتيازات كتيير مش من حقهم .وطبعا لان ربنا خلقنا بنات ده بردو بيحرمنا من حجات كتيير من حقنا .موضع الرجل والمرأة والمساواه ده موضوع معقد جدا .بس كل الى أقدر أقولهولك أن القاعدة من الرجالة ظالمين وممكن يكون فى أكيد شواذ القاعدة .وعلى فكرة أحنا بردو المرأة يعنى السبب فى أنهم كده لأن كل الافكار الى رفضنها بنربى ولادنا عليها عادى جدا مش عارفة ليه
اولا يا برديه انا علاء مش الاء
ثانيا عاوز اقولك كلمتين وتحطيهم زى ما بيقولوا حلقه فى ودنك
ياريت لمت تيجى تتكلمى تحاسى على كلامك بمعنى ان كل كلمه تكون خارجه صح
يعنى انتى دلوقت بتقولى انك علشان بنت او انا مثلا علشان انا راجل عندى مميزات عنك وانتى مظلومه
انا عاوز افكرك ان ربنا ما بيظلمش حد والايه فى القران بتقول (وما ربك بظلام للعبيد) ياريت بس تاخدى بالك
وغير كده بجد مش علشان انا ولد بس بجد كل جنس ليه مميزاته وفى الاخر الاتنين متساويين وكمان عمالين تطالبوا بالمساواه دلوقت والله انا موافق بس ابقوا اخلوا الجيش بقا واتغلوا فى الصرف الصحى و..... يا جماعه والله اللى بيتعمل ده غلط هو فى احسن من التكريم بتاع الاسلام للمرأه ليه بقا كل اللى بيحصل ده مش عارف
عموما انا مبحبش راسس يطغى على حد بس انا حبيت افكرك بالكلام ده مش اكتر واكيد كل واحد له رايه والاختلاف فى الراى لا يفسد للود قضيه
ألى الاستاذ علاء أما وبعد:
أولا تحياتى ليك
أما ثانيا بقى فأنا مقصدشى طبعا أبدا أن الظلم ده من ربنا.أنا طبعا فخورة أن ربنا خلقنى بنت .بس ديما الظلم بيبقى ديما من الانسان ربنا عمره مبيظلم أبدا.هقولك أبسط حاجه مثلا ممكن راجل وست متجوزين ويكونو بيشتغلو الاثنين.ها الاثنين.طبعا الراجل يفترض ان الست هى الى عليها شغل البيت كله .أمال هو راجل .وده طبعا ينقص من كرامته.وتشتغل هى بقى جوه وبره ويطلع عنها .وهو الى قوته بتفوقها مرات بيشوف ان شغله فى البيت ده أيهانه لكرامته.وبعد طبعا ممكن حضرتك ترض عليه تقولى محدش قالوكو تشتغلو .أرجع وقولك ده مش منحه بناخدها منكو .زمان كان الشغل قوة بدنيه فمكنشى ينفع نخرج نشتغل.لكن دلوقتى أظن أن أغلب الشغل بيحتاج العقل.وعند هنا طبعا بنتساوه.يبقى ليه تحرمنى من أنى أعمر فى الرض زيك.هو ربنا قال الانسان ولا الراجل يعمر فى الارض.يبقى ادام من حقى اخرج أشتغل بره.يبقى ليه بتكابر ومتشتغلشى جوه زى بالظبط.انا اسفه طولت عليك .بس بجد كلامى مخلصشى وأكيد هعمل بوست أكتب فيه كل كلامى
وتحياتى ليك ياعلااااااااااااء
Post a Comment